Þingeyjarskóli auglýsir eftir starfsfólki

Þingeyjarskóli í Þingeyjarsveit auglýsir eftir starfsfólki.

Viltu vinna í skemmtilegu umhverfi, með frábærum nemendum og með góðu samstarfsfólki? Ef svo er ættir þú að íhuga starf í Þingeyjarskóla.

Við viljum fá til liðs við okkur:

Leikskólakennara/leikskólastarfsmann í 100% starf við leikskóladeildina Barnaborg á Hafralæk frá og með 1. ágúst. 

Leikskólakennara/leikskólastarfsmann í 60-80% starf við leikskóladeildina Krílabæ á Laugum frá og með 1. ágúst.

Stuðningsfulltrúa í 80 – 100% starf við leikskóladeildina Barnaborg frá og með 1. ágúst.

Þroskaþjálfa í 50 – 80% starf við Þingeyjarskóla

Stuðningsfulltrúa í 80 – 90% starf við grunnskóladeild frá og með 15. ágúst.

Skólaliða í 80-100% starf frá og með 15. ágúst.

Íþróttakennara í 100% starf frá og með 1. ágúst.

Yngri barna kennara í 80-100% starf frá og með 1. ágúst.

Sérkennara í 50 – 80% starf við grunnskóladeild frá og með 1. ágúst.

Afleysingastarfsfólk.

Við leitum að starfsfólki sem: 

• Treystir sér í faglega og metnaðarfulla vinnu 
• Er lausnamiðað
• Er sveigjanlegt og með góða samskiptahæfni 
• Er sjálfstætt í vinnubrögðum og sýnir/býr yfir frumkvæði 
• Hefur metnað til að takast á við ný og spennandi verkefni 
• Vill taka þátt í samstarfi og teymisvinnu 
• Ber virðingu fyrir börnum og hefur áhuga á að starfa með þeim

Þingeyjarskóli er samrekinn leik-, grunn- og tónlistarskóli með rétt um 100 nemendur. Þar af rúmlega 30 leikskólanemendur á tveimur starfsstöðvum.  Áhersla er lögð á teymisvinnu og fjölbreytta kennsluhætti innan skólans sem og að skapa leik- og námsumhverfi sem auðgar bernsku barna og örvar þroska þeirra.

Lögð er áhersla á samvinnu og sameiginlega ábyrgð starfsmanna á verkefnum skólans.   

Gerðar eru kröfur um mikla hæfni í mannlegum samskiptum, stundvísi og hreint sakavottorð. 

Áhugasamir einstaklingar, án tillits til kyns, eru hvattir til að sækja um. 

Möguleiki er á húsnæði.

Umsóknarfrestur er til 15. júní 2024.  

Umsóknir skulu sendast á netfangið johannrunar@thingeyjarskoli.is

Nánari upplýsingar veitir Jóhann Rúnar Pálsson skólastjóri í vs 4643580 /8990702 eða í gegnum netfangið johannrunar@thingeyjarskoli.is