Fréttir

Nemendur Þingeyjarskóla héldu Skuggakosningu um nafn á nýju sameinuðu sveitarfélagi Skútustaðarhrepps og Þingeyjarsveitar. Kosið var um fjögur nöfn; Goðaþing, Laxárþing, Suðurþing og Þingeyjarsveit. Kjörsókn var 90%. Á kjörskrá voru 71 nemandi við skólann og kusu 64. Gildir seðlar voru 64. Enginn ógildur seðill. Úrslit urðu þau að Þingeyjarsveit hlaut 32 atkvæði eða 50% greiddra atkvæða. Laxárþing hlaut 19 atkvæði Suðurþing hlaut 7 atkvæði Goðaþing hlaut 6 atkvæði Kjörnefnd var að störfum og voru það nemendur af unglingastigi sem skipuðu hana. Komið var upp kjörklefum og blásið til kjörfundar í félagsheimilinu Ýdölum. Framkvæmdin tókst að öllu leyti mjög vel og óhætt að hrósa þessum öflugu unglingum Þingeyjarskóla fyrir framkvæmdina.

Við í Barnaborg erum svo heppin með útisvæðið okkar. Einstaka gervigíga rétt hjá leikskólanum og fallegt landslag. Svo erum við vel sett með leiktæki.

Þingeyjarskóli í Þingeyjarsveit auglýsir eftir leikskólakennara/leikskólastarfsmanni í 50% starf við leikskóladeildina Krílabæ á Laugum í Reykjadal. Smellið á fyrirsögnina fyrir frekari upplýsingar

Í ljósi veðurviðvarana og tilmæla frá Almannavörnum fellur allt skólahald Þingeyjarskóla niður á morgun, mánudaginn 7. febrúar. Þ.e. starf leikskóla-, grunnskóla- og tónlistardeilda. Kveðja góð. Skólastjóri

Þingeyjarskóli auglýsir eftir leikskólakennurum við leikskóladeildina Barnaborg.

Skóladagatal grunnskóladeildar Þingeyjarskóla er nú aðgengilegt hér á vefnum í gegnum flýtiflipa á forsíðu eða með því að nota slóðina: https://www.thingeyjarskoli.is/static/files/skoladagatal/skoladagatal-2021-2022b.pdf

Kristjana Helgadóttir matráður eða Didda í eldhúsinu e.o. við flest köllum hana, hættir núna í vor eftir áratuga starf við stofnunina. Kristjana hóf störf við stofnun þáverandi Hafralækjarskóla haustið 1972 og hefur starfað nánast óslitið við skólann allar götur síðan. Þannig að segja má að Didda hafi verið samofin sögu skólans frá upphafi eða í þessi 49 ár sem skóli hefur verið starfræktur á Hafralæk. Það hlýtur að vera nánast einsdæmi.

Þingeyjarskóli auglýsir tvö spennandi störf laus til umsóknar: Starfsmaður í leikskóladeildinni Krílabæ á Laugum í Reykjadal og stuðningsfulltrúi í grunnskóladeild Þingeyjarskóla á Hafralæk í Aðaldal. Umsóknarfrestur fyrir bæði störf er 25. júní 2021.

Skólaslit Þingeyjarskóla verða með hefðbundnu sniði (að mestu) föstudaginn 28. maí kl. 16:30. Gestir eru beðnir um að vera með grímur á athöfninni eins og segir í tilkynningu frá almannavörnum: "Grímuskylda er þar sem ekki er hægt að viðhalda 2 metra nálægðarreglu". Elstu nemendur leikskóladeilda og nemendur 10. bekkjar verða útskrifaðir. Verið velkomin að athöfninni. Skólastjóri